طريقة وضع الايلاينر (cat eyes)

اول حاجه جهزي الايلاينر جل والفرشاه المعكوفه الخاصه بالايلاينر
ممكن تستغني عن الفرشاه وتستخدمي الانجل برش او الفرشاه مشطوفه الراس اسهل لكن المعكوفه دقيقه اكثر واحترافيه

مكياج سهل ونعوم ❤❤

بقلم الكحل الاسود ارسمي خط لتحديد زاوية العين

موهي الخطوط بالفرشاة وستمري في التمويه او البلندنج باتجاه الخارج

ضعي على الجفن من الداخل للخارج اللون المشمشي الفاتح او الخوخي معرفش اللون ده اسمه ايه بس توحفه 😄وحاولي دمج اللونين ببعض

بالفرشاة المشطوفة او المخصصة لرسم الايلاينر تحت العين ارسمي خط بنفس الشكل اللي في الصورة ممكن بايشادو اسود غامق او بنفس الكحل واعملي تمريه للخطوط باحترافيه عشان يبان التاثير السموكي او الدخاني

ضعي اضائة على مدمع العين <<الله عليك يافصحى 😄

بالقلم الابيض ارسمي داخل العين او بالاوف وايت افضل من الابيض ومدي الخط للخارج لاعطاء وسع للعين

اخر حاجه متنسيش الماسكرا وشوية اضائة تحت الحاجب لوك فريش ونعوم ❤❤

النهاردة هتكلم عن ماركتي المفضلة في المكياج عموما ميك اب فور ايفير توب بالنسبالي

في بنات كتير بيحبوا ماك

ماك فيها منتجات توحفة طبعا لكن مبحبش الفاونديشين بتاعهم ولا الكونسيلر الاساس عموما من ماك مبفضلوش
وكل ماركة بتتميز بمنتجات عن غيرها وبردوا على حسب كل بشرة بيناسبها ايه

النهاردة كلامي هيكون عن افضل منتجات استخدمتها من ميك أب فور ايفير 🙂

برايمر اتش دي

في منه الوان كتير اختاري اللي يناسبك في الابيض برايي هوا الافضل وبيدي لمعة خفيفة للوش
وفي اللون الاصفر لو عندك اماكن اغمق من اماكن بيوحد لون البشره

اللون الاخضر لو بشرتك فيها حبوب حمرا الاحمرار عموما الاخضر بيطفيه

اللون الموف للبشرة اللي فيها شحوب

اللون اللي جاي على كارميل للبشرة الغامقه اقرب للتان

الازرق معرفش بصراحة استخدامه لايه ؟

واخر حاجه الوردي كمان بيدي لمعه حلوة للوش انا بفضله هوا والابيض 🙂

تاني منتج الفاونديشين بالنسبة لان بشرتي دهنية فانا بفضل اساس فور ايفير مات فيلفيت

في كمان فاونديشين اتش دي تغطيتة عالية لكن محبتوش اوي اعتقد انه عايز فرح سهرة

انا ناسبني المات اكتر وانا هعمل رفيو عن كريمات الاساس تحديدا من ماركات مختلفة

تالت منتج

كونسيلر فور ايفر انا جربت الباليت توحفة

وقريبا ناوية اجيب كونسيلر FULL COVER من فور ايفير شايفه علية مدح كتير بس مستنية استهلك الباليت للاخر

لكن انا معنديش هالات سودا قوية فمش بحتاج الباليت الا لو ميك اب مسائي او مناسبة وكده لكن في العادة بستخدم كونسيلر
من ميك اب ستديوا خفيف وبسيط بس مينفعش لواحده عندها هالات سودا واضحة
سوري تصويري معاق شويه ^_* .

رابع منتج

اعشقة من فور ايفير البودرة الحرة الشفافه 🙂

تنفع للي بشرتهم دهنية زي حالاتي وبتطفي اللمعان وبتاخد نفس لون الفاونديشين لا بتغمق ولا بتفتح ودي الميزة

خامس منتج الاضائة

صراحة حبيت اضائة ماك كولر بيز وهيا اللي بستخدمها حاليا لكن بما انه الموضوع خاص بماركة فور ايفير

compact shine on 3 روووعة وبتدي لمعة ناتورال جدا

نفس التاثير اللي في الصور هنا

بالنسبة لارواج فور ايفير حدث ولا حرج عن روعتها صراحة الافضل تحديدا المات منها المطفي

كمان ماك بحب ارواجه وهعمل تدونية خاصة بافضل منتجات ماك بعدين

المهم دي بالنسبالي افضل منتجات فور ايفير عموما الماركة دي بروفيشنال وتستاهل يتدفع فيها ^_^

أهلاً مدونتي ❤❤

لية فتحت المدونة دي : ممم بصراحة بناءا على رغبة صديقاتي المحترمات << جدا جدا جدا

كوني بقالي كتير في الجال ده وتقريبا نادرا منتج يفلت من تحت ايدي وعندي خبرة معقولة

فاقترحت عليا واحده من البنات افتح مدونة منها افيد غيري واستفيد من اراء الاخرين بردو

بس هيا دي الحدوتة ^_*

❤❤